Byredo Bibliotheque
არ მიყვარს ნეიტრალური სურნელი, ამიტომ ყოველთვს ისეთ სუნამოს ვარჩევ, რომელსაც ინტენსიური სურნელი აქვს. ძირითადად უპირატესობას ხისებრ - ხილისებრ არომატებს ვანიჭებ, ინგრედიენტებიდან კი ატამს, მუშკს, სანდლის ხესა და ფაჩულს.თუ ინტენსიური არომატი მოგწონს და დასამახსოვრებელ სუნამოს ეძებ - Byredo Bibliotheque შენთვის იდეალური არჩევანია.
Diptyque Musk Classic
სანთელი არასოდეს არის ზედმეტი. ვფიქრობ, იდეალური საჩუქარია, როცა არ იცი ადამიანს რა აჩუქო. როდესაც საჩუქარს ვარჩევ, მნიშვნელოვანია რომ თავადვე ვიყო კმაყოფილი არჩევანით, რადგან სიმბოლური საჩუქრები არ მიყვარს. ადრესატს არამხოლოდ ნივთს, არამედ ემოციას ჩუქნი - ემოციასა და მოგონებას კი სურნელი საუკეთესოდ გადმოსცემს.
Eight & Bob Annicke 4
ეს პროდუქტი ყვავილოვან ოჯახს მიეკუთვნება, თუმცა ჩემთვის ხილისებრ ხისებრ არომატსაც ატარებს, სადაც ხის ნოტები ვანილისა და ხილის ნოტებს იდეალურად ერწყმის. განსაკუთრებით, აბაზანის შემდეგ ოდნავ ნამიან სხეულზე. სულ ცოტა ხნის წინ აღმოვაჩინე და ვთვლი, რომ ყოველდღიურად საკმაოდ სასიამოვნოდ გამოსაყენებლია.
Histoires de Parfums 1969
ეს ბრენდი, მისი სრული არსით მიყვარს. სუნამოს თითოეულ დასახელებას უნიკალური ისტორია აქვს და არომატებიც ისტორიის კვალდაკვალ შეიქმნა. მაგალითად ეს სუნამო 1969 წელს, საფრაგენთში მომხდარ სექსუალურ რევოლუციას მიეძღვნა. არ მახსენდება შემთხვევა, როცა ეს სუნამო ვინმეს ვურჩიე ან ვაჩუქე და არჩევანმა არ გაამართლა. ალბათ, ერთადერთია, რომელიც უკვე 10 წელია ჩემთვის შუცვლელ არომატად რჩება.
Vilhelm Parfumerie The Oud Affair
თუ საჩუქრად მიმზიდველ, აღმოსავლურ ხისებრი არომატის სუნამოს ეძებ - Vilhelm Parfumerie The Oud Affair - კარგი არჩევანია. სუნამო უნისექსია, თუმცა განსაკუთრებით კარგი საჩუქარი იქნება ნებისმიერი მამაკაცისთვის.
Carner Barcelona Casa Mar Sea Room Perfume
ალბათ, სახლი ყველასთვის ის ადგილია, სადაც საკუთარ ფიქრებთან მარტო დარჩენა და მოვლენების მშვიდად გაანალიზება შეგვიძლია - სწორედ ასეთი ატმოსფეროს შექმნაში დაგეხმარება ეს სურნელი.
Woods Copenhagen მკვებავი სხეულის ზეთი
სხეულის სურნელოვან დამატენიანებელს თუ ეძებ, გირჩევ Woods Copenhagen-ის ეს მკვებავი ზეთი სცადო.
L'Occitane 86 Intense Amber Almond სხეულის დამატენიანებელი კრემი
სუნამოს იმის მიხედვით ვარჩევ თუ სხეულის რომელი პროდუქტი მაქვს გამოყენებული. ეს კრემი ძალიან კარგი ბაზაა სურნელისთვის.
WIDIAN All Over Black II
თმის სუნამოები ყოველდღიურად უფრო პოპულარული პროდუქტი ხდება პარფიუმერიაში. შენს ყოველდღიურ სუნამოსთან ერთად თმის სუნამოს გამოყენება მის ინტენსივობას უფრო გაზრდის და სურნელიც ბევრად უფრო შესამჩნევი გახდება.
Zarkoperfume Pink Molecule 090.09
ყოველდღიურად, თან სატარებლად იდეალური ზომის სუნამოა ყვავილოვანი ხისებრი არომატით, რომელიც ნებისმიერი ზომის ჩანთაში მარტივად დაიკავებს ადგილს.